среда, 2 апреля 2014 г.

Православный календарь 3 апреля (21 марта ст.ст.)

Проповеди
В этот день:
Русская Православная Церковь отмечает память святых:

Преподобного Лупина, отшельника (480) (Галл.).
Преподобного Иакова Катанского, еп., исп. (VIII-IX).
Преподобного Пахомия Нерехтского. (1384)
Преподобного Серафима Вырицкого (1949).
Святителя Кирилла, еп. Катанского (I-II).
Прп. Серапиона, еп. Тмуисского. (IV)
Св. Енды, Патриарха ирландского монашества (530) (Кельт. и Брит.).
Святого Серапиона Синдонита, монаха Египетского (542).
Святителя Фомы, патр. Константинопольского (610).
Сщмч. Владимира пресвитера (1931).
Сщмч. архиеп. Феодора (Поздеевского) (1938).
Храни вас Господь, Матерь Божия и все святые, их же память мы сегодня отмечаем!

Молитвы:
Тропарь преподобного Серафима Вырицкого, глас 4
Яко великаго молитвенника за землю нашу / и утешителя теплаго притекающих к тебе, / ублажаем тя, вторый русский отче Серафиме, / вся бо яже в мире красная оставил еси, / всем сердцем устремился еси к чертогам сладчайшаго Христа / и в годину лютых гонений образ кротости и смирения всем был еси: / не престай и ныне молитися за ны, / да в терпении обрящем путь покаяния / и с тобою выну славим Пресвятую Троицу.
Ин тропарь преподобного Серафима Вырицкого, глас 8
Крест приим свой, преподобне, радуяся, / нераздельным помыслом последовал еси Христу, / был купец еси воистину преславный, / яко не земное, но небесное сокровище стяжа / сего ради спасеся тобою мнози чада твоя, ихже возлюбил еси. / И ныне, отче наш Серафиме, молися / покаяние нам даровати и в разум истины приити.
Ин тропарь преподобного Серафима Вырицкого, глас 3
Купец велик соделался еси, / преподобне отче Серафиме, / сый в мире, к многому богатству тленному / ты николиже сердца прилагал еси, / послушник истинен / и добродетелей подвижник, / егда же, вся оставль, / на крест монашества восшел еси, / дары Святаго Духа многи тебе дашася / и яко единаго от древних тя явиша / пророка, старца, / чудотворца и молитвенника, / столпа подвижником, спасения вождя. / Сего ради молим тя: / и нас премудро ко спасению управи.
Ин тропарь преподобного Серафима Вырицкого, глас 4
Яко пресветлая звезда Российския земли, / возсиял еси в веси Вырицстей, преподобне Серафиме, / и, силою Святаго Духа наставляем, / светом чудес твоих страну нашу озарил еси духовно. / Темже и мы, притекающе ко гробу твоему, / умильно глаголем: / моли Христа Бога спастися душам нашим.
Кондак преподобного Серафима Вырицкого, глас 5
Подражая богоносному угоднику Саровскому, / Духа Святаго благодать обильно стяжал еси: / Александро-Невския лавры крине благоуханный, / Вырицкия веси похвало, / сего ради и мы тебе зовем: / радуйся, преподобне Серафиме, / милостивый наш предстателю пред Господем.
Ин кондак преподобного Серафима Вырицкого, глас 5
Уподобился еси древним отцем / и подвигом добрым подвизался еси, / благодатию Христовою просветився, / от Негоже прием дарования чудес, / недугующих исцеляти, / печальных и скорбящих утешати, / обидимых и гонимых защищати / и всем в нуждах сущим отраду / и скорое избавление подавати. / Сего ради, яко великаго чудотворца чтуще, / молим тя, чада твоя, преподобне Серафиме: / от всех бед избави нас молитвами твоими.
Ин кондак преподобного Серафима Вырицкого, глас 3
Возрадуйся паки, граде святаго Петра, / и малая весе Вырица, возвеличися, / се бо светильник веры в тебе просиявает, / всеисцеляющий бальзам нам источается, / новоявленный бо великий чудотворец, / любве и покаяния наставник, / пророк и старец, / новый преподобный Серафим в тебе является.
Прп. Пахомия Нерехтского. Тропарь, глас 4.
Житейских молв, преподобие, отвергся/ и, яко птищ, обрете себе в пустыни безмолвие,/ в молитвах и бдении прилежа Богови,/ преподобие отче Пахомие,/ и остави древнее пребывание,/ и отыде в пустыню, и в ней водворися,/ и состави обитель во Имя Пресвятыя Троицы,/ и процвел еси, аки финике,/ и бысть образ утешения духовнаго./ Темже, преподобие Пахомие,/ моли Пресвятую Троицу спастися душам нашим.
Прп. Пахомия Нерехтского. Кондак, глас 4.
В пустыни безмолвствуя,/ единствующу тя, Богоносе, взыскующу ти Господа,/ Богу же тебе не оставльшу единому быти в пустыни,/ и Того повелением снидошася к тебе неколико братии,/ с нимиже ти молящуся Господеви,/ Троице пречестен храм воздвиже,/ в немже предстояще, преподобие Пахомие,/ молися о спасении душ наших.
Pages: 1 2 3