Рождественский пост.
Русская Православная Церковь отмечает память святых:
Преподобномученика и исп. Стефана Нового (767).
Священномученика митр. Серафима (Чичагова) (1937).
Святителя Феодора, архиеп. Ростовского (1394).
Сщмч. Николая пресвитера (1941).
Мученика Иринарха и с ним святых семи жен (303).
Сщмчч. Петра, Алексия, Алексия пресвитеров (1937).
Мц. Параскевы (1938).
Мчч. Стефана, Василия, Григория, другого Григория, Иоанна и иных многих (VIII).
Мчч. Тимофея и Феодора, епп., Петра, Иоанна, Сергия, Феодора и Никифора, пресвитеров, Василия и Фомы, диаконов, Иерофея, Даниила, Харитона, Сократа, Комасия и Евсевия, монахов и Етимасия в Тибериополе.
Мч. Христоса в Константинополе (Греч.).
Св. Федора еп. Федозиполиса в Армении (VI).
Св. Оды мц. Брабантской (726) (Нидерл.).
Мц. Иуфвары Корнвальской.
Храни вас Господь, Матерь Божия и все святые, их же память мы сегодня отмечаем!
Молитвы:
Прмч. и исп. Стефана Нового. Тропарь, глас 4.
Постнически предподвизався на горе,/ умная врагов ополчения/ всеоружием Креста погубил еси, всеблаженне,/ паки же ко страдальчеству мужески вооружился еси,/ убив Копронима мечем веры,/ и обоих ради венчался еси от Бога,/ преподобномучениче Стефане приснопамятне.
Прмч. и исп. Стефана Нового. Ин тропарь, глас 3.
Яко предпросиявый, Стефане, житием постническим,/и в мире облистал еси течением страдальчества,/ разгнал еси мрачную прелесть еретичествующих,/ показавый истинную славу православных,/ сего ради прославился/ яко Божественный свидетель Истины Христовы.
Прмч. и исп. Стефана Нового. Кондак, глас 8.
Троицы рачителя и Божественнаго Стефана/ восхвалим верно песньми, празднолюбцы, от сердца,/ яко почествовавша начертание красное Владыки и Матере Его,/ и согласно ныне от любве возопиим ему, радующеся:/ радуйся, отче приснославне.
Прмч. и исп. Стефана Нового. Кондак, глас 3.
Из неплодна, преподобие, корене/ возрасте ветвь/ первострадальцу тезоимените,/ монахов наставник велик, отче, явился еси/ и, ярости не убоявся царя,/ не хотяща Христов чествовати образ,/ сего ради скончався,/ мученический венец приял еси, Стефане.
Свт. Феодора, архиеп. Ростовского Тропарь, глас 4.
От юности твоей добре воспитався трудами,/ воздержанием, постом и молитвами,/ чисту и непорочну сотворил еси душу твою,/ сего ради на престоле святительства сел еси,/ и яко звезда многосветлая, просвещая верных сердца/ зарими чудес твоих, отче наш, святителю Феодоре,/ и ныне моли Христа Бога да спасет души наша.
Свт. Феодора, архиеп. Ростовского. Ин тропарь, глас 5.
От юности, премудре, прилежно подвизався,/ и извещением Святаго Духа/ превеликую обитель воздвиже Пресвятей Богородице/ в похвалу Рождества Ей,/ струими же слез твоих безплотныя враги погрузил еси,/ и, житий твоего целомудрием со Ангельскими лики совокупився,/ преподобие отче Феодоре,/ с ними же Христа Бога моли/ спастися душам нашим.
Свт. Феодора, архиеп. Ростовского. Кондак, глас 2.
В молитвах Господеви предстоя,/ якоже крепкий адамант во утвари,/ по вся дни и нощи пред лицем Божиим светяся молитвами,/ ихже ради трудов Незаходимаго Света сподобився,/ но, яко имея дерзновение/ к рбждшемуся от Святыя Девы Христу Богу нашему,/ Егоже моли непрестанно о всех нас.
