В этот день:
Русская Православная Церковь отмечает память святых:
Мученицы Агафии
Святителя Феодосия, архиеп. Черниговского
Иконы Божией Матери Елецкой-Черниговской
Иконы Божией Матери Сицилийской, или Дивногорской
Иконы Божией Матери «Взыскание погибших»
Дивногорская-Сицилийская икона
Новомчч. Агафии Белорусской (1938), схимон. Евгения (1939) и прав. Парамона (1941).
Свт. Полиевкта, патр. Константинопольского (Греч.).
Новомч. Антония Афинского (Греч.).
Св. Феодосия Скопельского в Сицилии (421).
Св. Авитуса, еп. Венского (525).
Мч. Михаила, прмц. Александры (1942).
Мц. Феодулии и мчч. Елладия, Макария и Евагрия (ок. 304).
Храни вас Господь, Матерь Божия и все святые, их же память мы сегодня отмечаем!
Молитвы:
Иконы Богородицы «Взыскание погибших». Тропарь, глас 7.
Радуйся, Благодатная Богородице Дево,/ во объятиях Своих Предвечнаго Младенца и Бога носившая./ Проси Его дати миру умирение/ и душам нашим спасение./ Сын бо Тебе, Богомати, вещает,/ яко вся прошения Твоя во благое исполнит./ Сего ради и мы припадающе, молим Тя/ и надеющийся на Тя, да не погибнем,/ имя Твое именуем:/ Ты бо еси, Владычице,/ Взыскание погибших.
Иконы Богородицы «Взыскание погибших». Кондак, глас 6.
Предстательство христиан непостыдное,/ ходатайство ко Творцу непреложное,/ не презри грешных молений гласы,/ но предвари, яко Благая, на помощь нас,/ верно зовущих Ти:/ ускори на молитву и потщися на умоление,/ предстательствующи присно, Богородице, чтущих Тя.
Свт. Феодосия, архиеп. Черниговского. Тропарь, глас 4.
Преудобрен во архиереех, святителю Феодосие,/ был еси светило своему стаду,/ таже преставился еси в вечныя Обители./ Умоли у Престола Царя Славы избавитися нам от находящих на ны зол/ и спастися душам нашим, святе, молитвами твоими.
Свт. Феодосия, архиеп. Черниговского. Кондак, глас 4.
Пастырей Начальнику Христу трудился еси,/ святителю Феодосие,/ на пажити духовней словесныя твоя овцы питая,/ и целебен дар от Христа Спаса приял еси,/ во еже немощи душевныя и телесныя целити всех,/ с верою к тебе приходящих./ Темже и ныне, святе, молися,/ всем, имя твое призывающим,/ от наветов вражиих спастися/ и помиловатися душам нашим.
Мц. Агафии. Тропарь, глас 4.
Агница Твоя, Иисусе, Агафия,/ зовет велиим гласом:/ Тебе, Женише мой, люблю,/ и, Тебе ищущи, страдальчествую,/ и сраспинаюся, и спогребаюся Крещению Твоему,/ и стражду Тебе ради, яко да царствую в Тебе,/ и умираю за Тя, да и живу с Тобою,/ но, яко жертву непорочную, приими мя, с любовию пожершуюся Тебе./ Тоя молитвами, яко Милостив, спаси души наша.
Мц. Агафии. Кондак, глас 4.
Да украсится днесь Церковь порфирою славною, омоченою от чистых кровей Агафии мученицы:/ радуйся, вопиющи, Катанская похвало.
Елецкой иконы Богородицы. Тропарь, глас 4.
Днесь светло красуется древний град Елец,/ поминающе славное чудо Пресвятыя Богородицы:/ егда бо на стогнах Первопрестольныя Москвы/ икону Ея чудную людие московстии сретаху,/ тогда Сама, Владычице, на горе Аргамачстей во граде Ельце,/ на сретение нечестивому Тамерлану изшедше,/ грозное его нашествие вспять обрати./ Сего дивнаго явления изображение на новописанней иконе зряще/ и Заступницу нашу за вся благодеяния Ея благодаряще,/ умильно Ей взываем:/ и в предняя не остави нас, о Мати Милосердая.
